Исчистете го вашето тело од шеќер за 21 ден.
Прекумерниот внес на шеќер е директно поврзан со зголемување на телесната тежина, акни, лош сон и дигестивни нарушувања. Иако шеќерот најчесто е скриен во слатките, тој се наоѓа и во белиот леб, житарките, овошните јогурти, готовите преливи, па дури и кечапот.
Поради сериозните здравствени последици, вклучувајќи го и ризикот од дебелина, дијабетес и кардиоваскуларни заболувања, многу луѓе се прашуваат како да се одвикнат од шеќерот и да го исчистат своето тело. Одговорот е – постепено, преку добро осмислен план од 21 ден.
- Првите 7 дена: постепено елиминирање и замена
На почетокот, не мора веднаш целосно да го елиминирате шеќерот. Заменете го со природни засладувачи како мед, стевиа или кокосов шеќер. Набргу потоа, елиминирајте ги и нив од вашата исхрана. Првата недела е најтешка, може да се појават главоболки, замор, па дури и грчеви, што се нормални реакции на телото при влегување во детоксикација на шеќер.
- Фрлете ги сите производи што содржат шеќер
Направете драстичен рез: донирајте или фрлете ги сите слатки и индустриски производи со додадени шеќери. Ова вклучува:
- леб и печива од бело брашно
- готови сосови и преливи
- јогурти од овошје
- конзервирано овошје и сокови
- грицки со додаден шеќер
Следниот пат кога ќе одите во продавница, прочитајте ги етикетите и изберете производи без додаден шеќер.
- Базирајте ја вашата исхрана на свежо овошје и зеленчук
Наместо преработена храна, фокусирајте се на природна, непреработена храна:
- јадете свежо овошје умерено (тие се богати со природни шеќери кои не предизвикуваат зависност)
гответе ги своите оброци
- за „напад на желба“ јадете 2-3 суви смокви, кајсии или неколку суво грозје
Овие намирници содржат витамини, минерали и влакна кои помагаат во контролата на апетитот.
- Грицкајте јаткасти плодови
Јаткастите плодови, како што се бадемите, ф’стаците и лешниците, се богати со растителни влакна, што значи дека ве држат сити подолго време и ги намалуваат вашите желби за шеќер. На пример, 100 г бадеми обезбедуваат 50% од вашите дневни потреби за растителни влакна и се идеална грицка помеѓу оброците.
- Јадете повеќе протеини од растително потекло
Протеините го стабилизираат нивото на шеќер во крвта и го намалуваат чувството на глад. Најдобрите извори на протеини од растително потекло и здрави се:
- мешунки (грав, леќа)
- јајца
- риба и морски плодови
- пилешко и мисиркино месо
- млечни производи (без додаден шеќер)
Кои се придобивките од исфрлањето на шеќерот од вашата исхрана?
Ако го следите 21-дневниот план за детоксикација од шеќер, можете да очекувате следниве промени:
- Рамен стомак без надуеност
- Поздрава и почиста кожа, отстранување на акни
- Поквалитетен сон
- Повеќе енергија и концентрација
- Здрави заби и непца
- Подобро варење и полесно празнење на цревата.