Совршено кремаста, миризлива и малку заводлива, оваа тестенина со печурки и бело вино е идеална за лесен, но „сериозен“ оброк. Комбинацијата од путер, павлака, пармезан и ароматични печурки му дава на јадењето богат вкус, додека белото вино додава фин допир на елеганција.
Состојки:
300 г тестенини (фетучини или таљатели)
250 г печурки
2 лажици путер
2 чешниња лук
120 мл бело вино
200 мл павлака за готвење
40 г рендан пармезан
сол и свежо мелен пипер
една шака свеж магдонос
маслиново масло
Подготовка:
Сварете ја тестенината во солена вода според упатствата на пакувањето.
Во меѓувреме, загрејте малку маслиново масло и путер во голем тавче. Додадете ги печурките, исечени на парчиња, и пржете ги неколку минути додека не добијат златна боја.
Додајте го ситно сечканиот лук и пржете кратко, а потоа прелијте го белото вино. Оставете виното да крчка на тивок оган и да го намали алкохолот.
Додадете ја павлаката за готвење и пармезанот, а потоа мешајте додека сосот не стане свиленкаст и кремаст. Зачинете со сол и црн пипер по вкус.
Додадете ги сварените тестенини во сосот и нежно промешајте за сè добро да се премачка со кремастиот сос.
Пред сервирање, наросете со сечкан магдонос и уште малку пармезан.