Елегантен десерт во чаша може да биде готов за кратко време, а неговиот вкус и изглед лесно се натпреваруваат со десертите од најдобрите слаткарници.
Крцкавиот кадаиф во комбинација со кремаст фил од ванила е вистинскиот избор кога сакате десерт кој изгледа импресивно и се подготвува без многу труд.
Се служи добро изладен, а благодарение на богатиот вкус и прекрасниот изглед, често е ѕвезда на секоја трпеза.
Состојки:
Тесто за кадаиф 200 г
Путер 80 г
Млеко 800 мл
Шеќер 120 г
Пудинг од ванила 2 кесички
Жолчки 2
Густин 2 лажици
Ванилин шеќер 1 кесичка
Компот од вишни
Мелени ф’стаци 2 лажици
Подготовка:
Исечете го кадаифот на пократки нишки, потоа пржете го во растопен путер, мешајќи повремено, додека не стане рамномерно златен и крцкав. Тргнете од оган и оставете го целосно да се олади.
Загрејте го поголемиот дел од млекото до вриење. Во преостанатото млеко, изматете го пудингот од ванила, густинот, жолчките, шеќерот и ванилиниот шеќер, а потоа добиената смеса истурете ја во топлото млеко. Гответе на средна температура, мешајќи постојано, додека не се формира густ, мазен крем.
На дното од чашите за сервирање намачкајте слој крцкав кадаиф, а потоа додадете слој топол крем. Продолжете со редење слоеви додека не се искористат сите состојки, завршувајќи со крем или кадаиф по желба.
Оставете го десертот да се олади на собна температура, а потоа ставете го во фрижидер најмалку два часа. Непосредно пред сервирање, украсете ја секоја чаша со цреша од компотот и наросете со мелени ф’стаци за дополнителен вкус и декоративен изглед.