Популарниот пејач откри дека добил нова дијагноза што ги објаснува неговите необични обрасци на однесување.
Роби Вилијамс откри дека неодамна му е дијагностициран аутизам и тврди дека тоа му помогнало подобро да разбере некои од неговите модели на однесување.
Пејачот претходно зборуваше за проблеми со ADHD, анксиозност и зависност, а зборуваше за својата нова дијагноза на промоцијата на неговата модна колекција „Hopeium“.
„Имам ADHD и штотуку открив дека имам и малку аутизам. Всушност е одлично за мене бидејќи објаснува толку многу. Сега имам изговор за сè. За секој чуден секс што го правам, само велам: „Извини, аутистичен сум“, рече Вилијамс.
Пејачот зборуваше и за неговата дијагноза на ADHD и објасни како може целосно да се концентрира на едно нешто, додека сè друго му станува речиси ирелевантно во тој момент.
- Со ADHD, можете целосно и апсолутно да се концентрирате на нешто 1000 проценти, но едноставно не можете да правите сè друго. Прашајте ги моите деца – објасни тој.
Минатата година, Вилијамс беше гостин во подкастот „Јас сум ADHD! Не, ти не си“ каде што зборуваше и за тоа како ги поврзал своите наметливи мисли со Туретов синдром. Тој објасни дека нема надворешни тикови, туку дека ги доживува „одвнатре“.
- Тукушто сфатив дека имам Туретов синдром, но тој не се манифестира надворешно. Тоа се наметливи мисли кои едноставно се појавуваат – рече тој во подкастот.
Роби Вилијамс претходно зборуваше за тоа колку му е тешко да се справи со сопствените мисли и покрај неговиот успех и вниманието на јавноста, а тој е сè поотворен за своите ментални тешкотии.