Редовната хидратација е важна во текот на целата година, но особено во лето кога високите температури го зголемуваат ризикот од дехидратација.
Покрај доволниот внес на вода, одредени сезонски намирници кои содржат висок процент на течности, исто така, можат да придонесат за освежување.
Концептот за делење на храната на оние што го „топли“ и оние што го „ладат“ телото доаѓа од макробиотиката – начин на исхрана и филозофија на животот заснована на воспоставување рамнотежа помеѓу спротивставените енергии, јин и јанг. Според ова учење, правилниот избор на храна може да придонесе за подобра рамнотежа на телото и општо чувство на благосостојба.
Затоа, во текот на жешките летни денови, се препорачува во вашата исхрана да вклучите храна која, според принципите на макробиотиката, има освежителен ефект и може да му помогне на телото полесно да се справи со високите температури.
Кокосова вода
Кокосовата вода е одличен начин за освежување на телото. Содржи бројни витамини, минерали и електролити, благодарение на кои го хидрира телото. Богата е со калиум, кој е неопходен за транспорт на хранливи материи до сите клетки во телото, како и за здрава функција на нервите и мускулите.
Нане
Нането е познато по своите својства за ладење поради високата содржина на ментол. Можете да направите варијација на ладен чај од нане и да го пиете во текот на денот. Пиењето ладни пијалоци ќе ви помогне да го разладите вашето тело.
Темнолистен зеленчук
Темнолистниот зеленчук е составен од 80 до 95% вода, што ги прави лесни за варење. Спанаќот, кељот, руколата и другите зеленчуци брзо минуваат низ вашиот дигестивен систем, а кога се консумираат сурови (како салата), тие даваат чувство на ладење на вашето тело. Можете да ги додадете во кој било оброк во денот.
Бобинки
Јагодите, капините, боровинките, малините и брусницата се многу алкални. Според традиционалната кинеска медицина, тие создаваат ладна енергија во телото. Тие содржат голема количина вода, па затоа се одлични за хидрирање на телото. Покрај бројните витамини и минерали, тие содржат и разни органски киселини, кои имаат позитивен ефект врз телото.
Диња
Дињата целосно ќе ве освежи. Бидејќи има висока содржина на вода, околу 95%, и нема многу калории, се смета за храна што го лади телото. Ја гаси жедта, има корисен ефект врз дигестивниот систем, а исто така го стимулира и исфрлањето на вишокот вода од телото.
Печурки
Печурките се меѓу храната што го лади телото поради нивниот нутритивен профил. Тие содржат бројни витамини, минерали и антиоксиданси. Ако ги јадете сурови, ќе го разладите телото. Суровите содржат многу повеќе хранливи материи отколку кога се готват или печат.
Лимон
Агрумите не се добри само за детоксикација и имунитет, туку имаат и неверојатен ефект на ладење врз телото. Ако сакате моментално ладење, можете да додадете неколку парчиња лимон во водата. Агрумите помагаат во неутрализирање на слободните радикали, зајакнување на одбранбениот систем на телото, стимулирање на цревната функција и намалување на нивото на лош холестерол во крвта.
Краставици
Полни со растителни влакна, краставиците имаат високо хидратантни својства. Овој зеленчук делува како диуретик, влијаејќи на рамнотежата на водата и солта во телото. Со 95,2% вода, само едно овошје од овој зеленчук дневно ќе ви помогне да го хидрирате вашето тело, пишува Totally Wellness.