Среќниот бамбус е еден од најпопуларните „лекови“ против негативна енергија во домот. Носи мир, добра енергија и смиреност, па затоа се смета и за идеален подарок за некој што го сакате.
Ова растение е поврзано и со старо кинеско верување дека носи среќа во различни области од животот. Ќе го најдете во секоја цвеќарница, но всушност не е бамбус туку „драчена сандеријана“, но неговиот изглед и издржливост потсетуваат на него.
Во Азија, се внесува во нов животен простор бидејќи има позитивен ефект врз емоциите во домаќинството и атмосферата во домот, како и во деловниот простор бидејќи се верува дека носи успех и кариерен напредок.
Колку стебла среќен бамбус ни се потребни?
Се верува дека две стебла среќен бамбус носат љубов, три стебла обезбедуваат среќа, пет стебла ќе ви донесат здравје, осум стебла се за оние кои сакаат богатство, а девет стебла ќе донесат среќа во сите области.
Среќниот бамбус има минимални барања за одржување. Се чува во вода (во проѕирна или непроѕирна саксија), но за разлика од другите исечени цвеќиња, може да се полева на секои 10 дена до две недели бидејќи ова растение брзо ги апсорбира хранливите материи и најдобро е да се користи стоена вода, така што околу 10 сантиметри од стеблото се во водата.
Успева и на светли и на темни места. Водата во која се чува бамбусот може да се украси со камчиња. Среќниот бамбус се смета за најдобро растение за фенг шуи кое ги доведува природните елементи – вода, земја, оган, дрво и метал – во рамнотежа во својата околина.
