Десет години откако се омажи за својот сопруг Том Акерли, актерката Марго Роби официјално го промени своето презиме. Иако во текот на досегашната кариера го користеше своето моминско презиме Роби, таа сега во официјалните документи е заведена како Марго Акерли.
Промената е забележана во документите поднесени до „Companies House“ – британскиот регистар на компании – во врска со продукциската куќа „LuckyChap Entertainment“. Станува збор за компанијата што Марго ја основаше заедно со нејзиниот сопруг Том Акерли, како и со Џози Мекнамара и Софија Кер.
Марго и Том стапија во брак во декември 2016 година, по двегодишна врска. Двојката го доби своето прво дете, син, во 2024 година.
Иако генерално го чуваат приватниот живот подалеку од очите на јавноста, Марго претходно зборуваше за тоа како нивната врска прераснала од пријателство во љубовна врска.
Во интервју за магазинот „Vogue“ од 2016 година, таа откри дека таа и Том биле пријатели долго време пред да станат пар. Таа објасни дека, на почетокот, била убедена оти тој не ги возвраќа нејзините чувства, поради што се обидувала да ги скрие сопствените емоции.