Меките и воздушести сирењаци совршен избор за појадок, но и кога сакате домашно пециво. Сочни одвнатре, со богат фил од сирење и прелив што ги прави особено меки, ве освојуваат од првиот залак.
Овој рецепт го најдовме на YouTube каналот „Domaći recepti“, каде што рецептите за пецива особено се издвојуваат.
Состојки за тестото:
30 грама свеж или осум грама сув квасец
една лажица шеќер
една лажица брашно
200 милилитри млеко
250 милилитри вода
едно јајце
50 + 20 милилитри масло
800 грама брашно + малку повеќе по потреба
Фил:
500 грама урда
половина лажичка сол
две цели јајца
125 грама путер
Прелив:
две цели јајца
200 милилитри јогурт
малку сол
Подготовка:
Во мал сад, измешајте го квасецот, шеќерот, малку брашно и топлото млеко. Нежно измешајте и оставете неколку минути за квасецот да се активира и да се запени.
Истурете го брашното во голем сад, додадете го млекото, водата, јајцето, 50 милилитри масло и подготвениот квасец. Замесете меко тесто кое првично ќе се лепи за рацете, потоа додадете уште 20 милилитри масло и продолжете да месите додека тестото не стане мазно.
Покријте го садот и оставете го тестото да нарасне додека не се дуплира во големина. Замесете го тестото кратко и развлечете го на набрашнета површина во правоаголник со средна дебелина.
За филот, измешајте го сирењето, солта и јајцата и рамномерно распоредете го врз тестото. Изрендајте го ладниот путер одозгора, а потоа внимателно расукајте го тестото во ролна. Исечете ја ролната на еднакви прстени и наредете ги на намастен плех за печење, така што ќе стојат од широката страна.
Одделно, изматете ги јајцата, јогуртот и малку сол и распоредете го преливот врз полжавите така што ќе бидат речиси покриени со смесата. Печете во претходно загреана рерна на 200 степени околу 30 до 35 минути, додека убаво не поруменат и преливот не се апсорбира.
По печењето, сирењаците остануваат меки, миризливи и многу сочни, идеални за сервирање додека се уште топли.