Џенифер Гарнер воодушевува со својот стил во секоја пригода, како и со својата безвременска убавина и младешки изглед.
Неодамна, познатата бринета воодушеви со стајлингот што ја откри нејзината фантастична линија на еден настан во Лос Анџелес.
53-годишната актерка, по потекло од Западна Вирџинија, беше ѕвезда во тесен црн фустан со длабоко деколте кое ја истакнуваше нејзината извајана фигура.
Поранешната сопруга на Бен Афлек ги покажа своите витки раце, тенок струк и блескав тен додека се дружеше со Риз Витерспун, продуцентката на нејзината хит серија „The Last Thing He Told Me“. Тие беа видени и на настанот Tastemaker на Apple TV за втората сезона од серијата во хотелот „The West Hollywood“, која, како што претходно беше најавено, ќе има премиера на 20 февруари.Нутриционистката д-р Луси Вилк, позната и како д-р Вилкс, откри за Дејли Меил како актерката успева да ја одржи својата витка фигура во своите 50-ти години. „Нема шанси оваа жена да јаде палачинки со чоколадо и сируп за појадок“, рекла таа.
Додаде: „Се обложувам дека јаде храна богата со протеини и влакна, со многу малку јаглехидрати“. Нутриционистката шпекулира дека јаде јајца и авокадо за појадок, салата за ручек и риба или пилешко за вечера.
„Исхраната богата со протеини го поддржува губењето на тежината бидејќи го зголемува чувството на ситост, ја зачувува мускулната маса и го забрзува метаболизмот. Протеините како месото и рибата имаат поголем термички ефект. Добро е да внесувате протеини наутро и да ги комбинирате со влакна. Држењето подалеку од шеќер и млечни производи е исто така добра идеја – и се обложувам дека го прави тоа“, вели таа.
Што готви и што објавува на Инстаграм?
Актерката е позната по тоа што редовно споделува видеа од своите кулинарски потфати на Инстаграм. Некои од рецептите што ги сподели вклучуваат кајгана, пилешко со мед и лимон, пилешко чили, голема салата со зелен грав, брокула, рукола, печени слатки компири, ореви и сирење, како и залачиња од јајца со крем сирење, моцарела, пиперки и спанаќ.
Сепак, ѕвездата отворено призна дека не е совршена: „Веројатно сум добра со храната 80 проценти од времето“. Всушност, постојат јадења на кои не може да им одолее: „Сфатив дека не можам да поминам покрај пица без да ја пробам. Едноставно не можам! Моите деца јадат многу пица. Не можам да одам на детска роденденска забава и да не јадам парче“, рече таа со смеа во една прилика.