Ветеринарите предупредија дека високите температури претставуваат сериозен ризик за домашните миленици, особено за кучињата, и важно е сопствениците да им обезбедат доволно свежа вода, сенка и прошетки само во утринските и вечерните часови.
Кучињата што живеат во станови се генерално позаштитени поради климатизираните простори, додека кучињата што живеат во дворови треба да им се обезбеди природна сенка и постојан извор на свежа вода за пиење.
Ветеринарите истакнаа дека животните природно јадат помалку за време на екстремна топлина, поради што не треба да се принудуваат да јадат, но дека водата мора да им биде достапна во секое време.
Тие особено предупредија за брахицефалните раси на кучиња, кои се почувствителни на високи температури поради специфичната структура на нивниот респираторен тракт и имаат зголемен ризик од топлотен удар.
Кога станува збор за патување со домашни миленици, потребно е да се прават почести паузи за да можат животните да се оладат, да пијат вода и да ги задоволат своите физиолошки потреби.
Сопствениците треба веднаш да побараат помош од ветеринар ако забележат симптоми како што се брзо задишување, апатија или некоординирано движење, бидејќи тоа може да бидат знаци на топлотен удар, кој без навремена стручна помош може да има фатален исход.