Вивиен Џоли-Пит, ќерката на Анџелина Џоли и Бред Пит, поднесе петиција за отстранување на презимето на нејзиниот татко, потврдувајќи ги шпекулациите дека е во лоши односи и со својот татко.
Таа поднесе петиција до Вишиот суд во Лос Анџелес за промена на презимето од Вивиен Маршелин Џоли-Пит во Вивиен Маршелин Џоли. Маршелин Бертран е името на мајката на Анџелина Џоли, која почина во 2007 година по борба со рак на јајници и дојка.
Во судските документи добиени од Page Six, Вивиен вели дека одлучила да го промени презимето од лични причини. Во врска со нејзиното поднесување, извор изјавил за Page Six:
„Вака изгледа целосното и крајно родителско отуѓување. Ужасно е и непотребно и служи единствено на интересот на родителот кој наоѓа еден вид перверзно задоволство во исклучувањето на другиот родител, кој се грижи за децата, од нивните животи“, рече тој.
Неколку од другите деца на поранешната двојка ги презеле истите чекори – Шајло, Медокс, Захара и Нокс. Пакс е во контакт со членовите на семејството на Бред иако има затегнат однос со него. Сепак, сè уште не е познато дали планира да го отстрани и презимето на својот татко.