Џенифер Лоренс зборуваше за козметичките третмани што ги користела и нагласи дека користи ботокс, во мали количини.
Во ново интервју за Vogue, Лоренс објасни и кои операции би сакала да ги направи во иднина, иако засега нема храброст за некои.
Таа додаде дека поради нејзината актерска кариера, не може да претерува со третмани што би можеле да влијаат на нејзините изрази на лицето.
„Моето лице мора да биде подвижно и затоа не можам да претерувам, можам да користам ботокс во мали количини“, рече таа.
Лоренс, исто така, призна дека размислува за отстранување на масното ткиво од образите.
„Би сакала да го направам тоа, но не можам бидејќи сите веднаш би забележале. Навистина сакам“, рече таа.
Минатата година, актерката сподели дека размислува за зголемување на градите поради промените во нејзиното тело што се случиле по втората бременост.
Лоренс додаде дека нема ништо против козметичките третмани, но дека процесот на разубавување често не ѝ одговара бидејќи трае предолго.
„Мразам да ја фарбам косата и да правам маникир. Не е релаксирачко, не е забавно, многу е здодевно и трае предолго“, рекла таа.