Легендарниот британски водител Џереми Кларксон откри во нова епизода од серијата „Clarkson’s Farm“ дека му е дијагностициран агресивен облик на рак на простата.
Во најавата за новата епизода, тој ја сподели веста со своите колеги Чарли и Кејлеб Купер, кои заедно со него ја водат неговата фарма Дидли Сквот во Котсволдс. Тој дознал за дијагнозата во мај оваа година.
„Се надевав дека ќе можеме да ја завршиме жетвата и потоа ќе можам да одам на лекување, но сè ќе биде брзо“, рече тој, меѓу другото. Кејлеб плачеше и ја понуди својата поддршка, велејќи:
„Грижи се за себе, оди и направи го тоа… Ако ти треба нешто, само јави се“. Џереми Кларксон призна, меѓу другото, дека имал коронарна срцева болест на почетокот на годината и на крајот дознал дека има рак.
Кога Кејлеб го прашал кога ќе дознае дали третманот делува, тој одговорил: „Не знам, денес одам на крвна слика и тогаш ќе знаеме“. Потоа е прикажан во болнички кревет и открива дека не било се според планот.
„Некои третмани тргнаа наопаку, ќе бидам тука некое време. Не знам што ќе се случи. Она што сакав да го кажам е дека ако сето ова успее, ќе се видиме во шестата сезона, а ако не, нема да се видиме. Чувајте се сите“, им рече тој на гледачите.