Актерот Џон Стамос го прослави својот 63-ти роденден, а наместо класична фотографија или порака за благодарност, реши да ги изненади своите следбеници со многу смела слика.
Тој објави црно-бела фотографија на Инстаграм пред огледало во бањата. На неа, тој позира без облека, додека го покрива лицето со мобилниот телефон, а кадарот е направен за да не се откријат експлицитни детали.
Објавата веднаш го привлече вниманието на неговите обожаватели, кои коментираа за неговиот изглед и фактот дека дури и во седмата деценија се грижи за себе. Еден од неговите следбеници дури и хумористично рече:
„Боже, смилувај се!“
Стамос претходно зборуваше за своите навики и нагласи дека редовно вежба, се грижи за одморот и се труди да одржува здрав начин на живот. Како што еднаш откри, неговата сопруга Кејтлин Мекхју имала големо влијание врз неговиот живот.
Двојката е во брак од 2018 година и заедно го имаат синот, Били. Пред тоа, актерот беше во брак со моделот и актерка Ребека Ромајн од 1998 до 2005 година.
Објавата за роденденот така стана една од неговите најгледани фотографии на социјалните мрежи, а обожавателите не го криеја своето изненадување.