Британската пејачка Charli xcx привлече внимание во бајковита облека со превез на премиерата на филмот „Wuthering Heights“, во режија на Емералд Фенел.
Таа носеше креација од модниот бренд Ердем од есенската колекција 2026 во розова боја, а превез го надополни изгледот што ја следеше темата на гореспоменатиот филм.
Таа се одлучи за едноставна, спуштена и лесна шминка. Дел од атмосферата од премиерата ја сподели на Инстаграм, пишувајќи: „Те сакам, Лондон. Мојот албум „Wuthering Heights“ излегува следната недела!“.
„Изгледаш како принцеза“, „Совршенство“, „Како од бајка“, „Твојот најдобар изглед досега“, се само дел од комплиментите што ги доби на социјалните мрежи.
Charli xcx сними песни за филмот „Wuthering Heights“, а на овој настан им се придружи на главните ѕвезди на филмот Марго Роби и Џејкоб Елорди.
„Откако толку многу се посветив на мојот претходен албум, бев возбудена да избегам во нешто сосема ново, сосема спротивно. Кога ќе помислам на „Wuthering Heights“, помислувам на многу работи. Помислувам на страст и болка. Помислувам на Велика Британија. Помислувам на полиња, помислувам на кал и студ. Помислувам на решителност и храброст“, рече таа.
„Оркански висови“ (Wuthering Heights), кој е базиран на истоимениот роман од Емили Бронте, пристигнува во кината на 13 февруари и го привлече вниманието на многумина уште од неговото објавување.