Анимираниот филм „Zootopia 2“ постави нов рекорд на бокс-офисот, заработувајќи над 1,7 милијарди долари глобално.
Со ова, продолжението на Дизни го надмина претходниот рекордер, „Inside Out 2“ од 2024 година, кој заработи 1,69 милијарди долари и стана најпрофитабилниот анимиран филм во историјата на Холивуд, пишува Variety.
Со овој резултат, „Zootopia“ е деветтиот најуспешен филм со глобална дистрибуција. Позицијата на најуспешен анимиран филм во светот сè уште ја држи кинескиот „Ne Zha 2“, кој има вкупен приход од 2,25 милијарди долари.
„Оваа пресвртница им припаѓа на фановите ширум светот чиј ентузијазам го овозможи сето ова. Неверојатно сме горди на нашите режисери Џаред Буш, Бајрон Хауард и Ивет Мерино и целиот тим во Walt Disney Animation Studios за создавање филм кој одекна кај публиката ширум светот. Zootopia 2 е посебно достигнување и сме благодарни на сите што помогнаа да се оствари“, рече Алан Бергман, претседател на Disney Entertainment.
„Zootopia 2“ е режиран од Џаред Буш и Бајрон Хауард и ги следи полицајката Џуди Хопс и лисицата Ник Вајлд додека се здружуваат за да фатат мистериозен нов влекач. Третото продолжение на „Zootopia“ сè уште не е објавено од Дизниленд.