Фризура која брзо се прави, лесна за одржување и изгледа подобро колку е порелаксирана.
Фризурата изгледа одлично дури и кога е малку „разбушавена“, што ја прави апсолутен хит кај жените ова лето. Станува збор за таканаречениот „шаги боб“ – модерна, опуштена верзија на класичниот боб, совршена за топлите денови.
Оваа фризура вклучува коса до рамената, малку распуштена и потстрижена во слоеви, што ѝ дава природен волумен и движење. Токму оваа „разбушавена“ структура ја прави посебна, бидејќи не бара совршено стилизирање – напротив, колку порелаксирано изгледа, толку подобро.
Голема предност на „шаги боб“ е тоа што дури и ако фризурата малку се разбушави по фенирањето во текот на денот, таа не го губи својот шарм, туку напротив добива уште поприроден изглед.
Освен што е практична за одржување, оваа фризура е и многу прилагодлива. Може да се носи со средна или странична разделба, со или без шишки, а подеднакво добро одговара и на права и малку брановидна коса.
Токму поради својата комбинација од едноставност, брзина и ефектен изглед, разбушавената боб фризура е идеален избор за летото, особено за оние кои сакаат да изгледаат уредно без премногу напор.
