Приказната за згодниот вампир Едвард Кален и нежната Бела Сван ги освои срцата на многу гледачи ширум светот. Само третиот дел од култната сага Twilight заработи неверојатни 72,7 милиони долари на денот на премиерата на филмот, а се очекува дека четвртиот дел ќе инкасира заработка од минимум 100 милиони долари само од првиот ден на прикажувањето.
Според многу анкети поврзани со овој серијал на филмови, фановите се бескрајно воодушевени од куќата во која живее вампирскиот клан Кален. Куќата има многу стаклени ѕидови, која овозможува да изгледа како да е облеана со сончева светлина.
Куќата, која се простира на повеќе од 1300 метри квадратни и има пет спални соби и четири бањи, моментално е ставена на продажба за 3 милиони долари. Куќата всушност се наоѓа во Ванкувер и е во сопственост на извршниот директор на Најк, Џон Хок.
