Големото, не секогаш е најдобро, особено кога во прашање се смарт телефоните.
Понекогаш мобилниот телефон треба да биде доволно мал за да може да го ставиме во џебот на омилените тесни фармерки или торбичка, а сепак да биде доволно добар за со него да можеме да го провериме Facebook, и, секако да можеме да разговараме со пријателите.
Ние избравме 5 супер-малечки мобилни телефони, кои се минијатурни но сепак со одлични карактеристики.
HP Veer
Иако има големина колку кредитна картичка, ги има скоро сите карактеристики како iPhone. Долг е 8 сантиметри, а има екран осетлив на допир од 2,5 инчи. Овозможува пристап до Facebook и Twitter, има 5 мега пиксели камера, и 8 гигабајти простор за музика и филмови.
Samsung Galaxy Mini
Oвој смарт телефон има 3,1 инчи екран, и димензии 110 х 60 х 12 милиметри. Иако изгледа едноставно и слатко, овој телефон ги има сите понови карактеристики, како и Android оперативен систем. Тој може да ги симнува сите најнови апликации, има простор за додавање Micro SD картичка, како и камера од 3 мегапиксели.
Sony Ericsson X10 Mini Pro
За да управувате со Sony Ericsson X10 Mini Pro ви е потребен само палецот, бидејќи апликациите, како Facebook, може да бидат сместени било каде на 2,5 инчниот екран.
Телефонот има Android оперативен систем, и на него има Google Maps како и можност за симнување на сите останати апликации од Android Market.
Поради големината телефонот не е идеален за гледање видеа. Батеријата исто така брзо се троши.
BlackBerry Pearl 3G
Pearl 3G e најмалиот смарт телефон на Blackberry, а ова е постигнато поради алфа-нумеричката тастатура наместо стандардната QWERTY.
Тежи 122 грама, а ги има истите стандардни карактеристики на Blackberry, вклучувајќи:
-Бизнис е-маил подршка
-Blackberry App World
Motorola Flipout
Овој смарт телефон има 2,8 екран осетлив на допир, кој се лизга за да се открие QWERTY тастатурата која се наоѓа под него.
Има Android оперативен систем кој овозможува конекција до Facebook и Twitter.
Останатите интересни карактеристики на Motorola Flipout вклучуваат:
– MotoBlur – софтвер кој преку PC ја одредува физичката локација на телефонот
– Мобилен пристап до интернет
