Актерот Џони Деп открил дека не можел да остане трезен за време на снимањето на новиот филм “The Rum Diary.”
За да може да ја одглуми улогата како што треба, Џони решил да се откаже од пиењето во целост, и во таа идеја му се придружил и режисерот Брус Робинсон, пишуваат британските медиуми.
Џони изјавил дека се договорил со Брус да не пијат првите неколку месеци од снимањето.
“Се одлучивме на таков чекор за да видиме колку долго ќе можеме да издржиме без алкохол и да се концентрираме само на работата. Издржавме до четири часот наутро, кога воздухот стана многу влажен, а температурата околу милион степени. Забележав во близина една мала продавница и му реков на Брус дека тоа мора да го направам. Истрчав по пиво и тоа беше крајот на нашиот трезен период, “изјавил Џони.