Кажете што ќе кажете за Чарли Шин, ама човекот едноставно има стил. Тоа го потврдува и неговиот раскошен дом во Лос Анџелес, изграден во медитерански стил.
Куќата се наоѓа во населбата Лос Фелиз во Лос Анџелес и актерот ја ставил на продажба за сума од 3.7 милиони долари. Според информациите, куќата ја купил актерот Сајмон Хелберг од серијата „Теоријата за Биг Бенг“.
Куќата, која се простира на површина од 400 метри квадратни, располага со четири спални соби и четири бањи. На влезот ве пречекува фонтана во медитерански стил, изградена во 1927 година. Куќата е на два спрата и има високи тавани и дрвен под, а располага и со камини и огромни балкони, како и отворен базен во пространиот двор.
