Кога се родила британката Лили Арнолд докторите и дале само уште 12 часа живот, а пред неколку дена таа го прослави својот 105-ти роденден.
Родителите на малата Лили биле очајни кога во 1906 година докторите им рекле дека нивното бебе нема да преживее ниту ден повеќе, но докторите овој пат многу погрешиле.
„Сум била многу слаба, па затоа докторите ми дале само половина ден живот, се прашувам што би рекле докторите сега ако ме видат“, изјавила Арнолд за британските медиуми.
Таа додала дека долгиот живот може да го имаат сите доколку живеат здраво, не пијат алкохол, а секако подобро би било луѓето да живеат покрај море или вода, исто како неа.