Местото на Исусовото раѓање

Храмот на раѓањето е еден од најстарите културно историски споменици во светот. За некого туристичка дестинација за Божиќ, за некого историски монумент, за сите Христијански верници-  свет објект во кој е роден Господ Исус Христос.

Речиси секој турист ова место го доживува емотивно. Секој е врзан за приказната за Исус од Назарет, од моментот на ѕвездата која го најавува неговото раѓање, па се до наталниот чин во скромната штала, емотивната слика на Богородица и малиот Исус, обиколени со домашни животни кои исто така ја чувствуваат важноста на овој момент.

Денес, местото за кое се верува дека е роден Исус Христос, се наоѓа во Витлеем. Станува збор за горенаведениот Храм на раѓањето, кој претставува комплекс од две цркви, кои хармонично, духовно и спонтано даваат слика на традиционален објект со енормно значење. Во внатрешноста,  точно е познато местото на Исусовото раѓање и е обележано со ѕвезда, симболично. Дневно, ова место го посетуваат стотици илјади туристи, а најголема е посетеноста за време на Божиќ.