Македоноцот така е научен, што без парче леб не седнува на масата. Но каква е всушност вистината за лебот – дали му наштетува на нашиот изглед или пак е храна која му носи на телото редица ползи?
Како за почеток, лебот заедно со компирите и зрнестата храна е лесно достапен извор на така потребниот за телото растителен протеин. Во него има и незаменливи аминокиселини, меѓу кои лизин, метионин и др. Сепак во ова искушение се содржат и голем број јаглехидрати – 52% во пченичниот леб, а за сметка на тоа мастите се малку, средно од 0,6 до 2,9%. Лебот истовремено не снабдува со витамини од групата Б, како и со минералите калиум, натриум, железо, фосфор и магнезиум.
Кога човек се подлага на режим на исхрана со цел намалување на телесната тежина, навистина е добро да ја ограничи консумацијата на леб на 1-2 парчиња полнозрнест или црн леб, но задолжително треба да се внесуваат сите полезни материи што лебот ги носи.