Провалил во продавница, се соблекол и се мачкал со чоколадо!
Американецот Ендру Тутмен обил еден супермаркет во Кентаки. Но, тој немал намера да ги украде парите од касата, а кога стигнала полицијата затекнала многу бизарна глетка.
Во моментот кога полицајците пристигнале на лице место, Тутмен бил целосно гол, а на себе имал само чизми. За да биде уште поинтересно тој бил намачкан по телото со чоколадо и путер од кикирики.
Засега тој не ја објаснил својата бизарна постапка, но полицијата изјавила дека се покајал. Тутмен е обвинет за провалување, покажување голотија на јавно место и одредена му е мерка притвор со кауција во износ од 25.000 долари.