Актерката и манекенка Лив Тајлер, ќерка на пејачот во рок бендот Аеросмит, Стивен Тајлер, неодамна изјави дека многу сака да се заљуби.
“Не знам што е љубов, тоа сеуште се обидувам да разберам. Да живеам и да сакам е мојата цел. Во мислите се враќам во детството за да видам како и кого сум сакала”, изјавила актерката.
Лив зад себе има тажна приказна. Пораснала верувајќи дека Тод Рундген е нејзин татко. Кога ја дознала вистината, на дванаесет години, го земала презимето на вистинскиот татко. Потоа таа и нејзината мајка се преселиле во Њујорк каде Лив се впуштила во работата на фотомоделите.