Специјалистите за исхрана обрнале внимание на поговорката„вие сте тоа што јадете“, истакнувајќи дека се е во начинот на кој размислувате….
Нутриционистот и специјалист Џенет Томсон открива дека режимот на исхрана и вежбањето може лесно да пропаднат доколку не размислуваме на прав начин.
„Помеѓу разумот и телото се одвива непрекината комуникација, но разумот е многу поважен бидејќи тој управува со вашето однесување“, изјавила таа.
Авторката на книгата пак, „ Think More, Eat Less“ смета дека негативните пораки кои ги прима вашиот мозок како на пример некој кога ќе ве нарече „буцка/о“, може да ги саботираат напорите да ја намалите тежината и да јадете поздрава храна.
За да ја надминете менталната битка и да ги задржите здравите емоции кон храната, Џенет ги поттикнува луѓето да размислуваат на тоа што постигнале и на она што сакаат да го постигнат во иднина.
Во духот на класичната диета престанете да ја гледате храната како награда и немојте да се присилувате на глад. Напротив, Томсон советува дека храната треба да ја гледате исклучиво како гориво за телото.