Пред неколку дена генералниот директор на Apple, Тим Кук, изјави дека продажбата на IPad оди многу добро. Но тој не знаеше колку добро.
Од петокот, кога во неколку земји почна да се продава iPad, беа продадени 3 милиони парчиња од овој таблет. Ова е најдобриот старт на продажбите од сите таблет уреди на Apple, потврди претседателот Филип Шилер.
„Потрошувачите ги обожаваат неверојатните можности на новиот iPad, вклучувајќи го неверојатниот Retina екран и тие не можат да дочекаат да го купат”, изјави тој.
Основната верзија се продава за цена од 499 долари, а најскапата Wi-Fi верзија ќе чини 699 долари, додека 4G моделите ќе се движат од 629 до 829 долари. Претходната генерација, iPad 2, ќе биде поефтина за 100 долари.
Само за потсетување во октомври 2011, Apple го претстави новиот iPhone 4S, кој беше продаден во 4 милиони копии во првиот викенд.