Полските католички калуѓерки од доминиканскиот ред покренале специјална СОС телефонска линија која ја рекламираат со пораката “Наместо проститутки, повикајте не’ нас“.
Калуѓерки од Краков апелираат, мажите пред да ја загубат главата и парите во недозволена љубовна афера, да се јават на СОС линија каде 12 калуѓерки ќе им помогнат да се ослободат од грешни мисли.
“ Да се биде маж е голема работа. Бог им дал на мажите привилегија да бидат татковци и да се грижат за семејството. Треба да се однесуваат витешки, а не да потклекнува на слабости“, изјавила сестра Тереза која стои зад проектот на СОС линијата.
Калуѓерките велат дека кога човек ќе тргне на погрешен пат не треба да се осудува, туку да му се помогне да се врати на исправниот пат.
На оние мажи на кои телефонскиот разговор нема да им помогне, калуѓерките ги канат во нивниот манастир да ги убедат да се откажат од гревот.
“Не знам дали е тоа од пролетта или заради сите оние катастрофи кои се случуваат, но господата во последните денови не бомбардираа со телефонски повици“, информирала сестра Тереза.
Извор: Нетпрес