Оваа диета е создадена да трае 7 дена и покрај тоа што во многуте нејзини верзии се вели дека може да трае колку што вие ќе посакате, или колку што вие имате потреба. Важното е да се знае дека со нејзина помош дефинитивно намалувате 5 килограми неделно. Таа се состои од една рецепта за супа и 5 различни видови појадок по избор. После појадокот единственото нешто што е дозволено до следното утро е супата.
Продукти неопходни за приготвување на супата: парче рен, целер, пиперка, лук, 700 грама пилешко, 450 грама моркови, 300 грама брокули, една половина кромид, сок од половина лимон и две лажици маслиново масло.
Наутро можете да изберете: парче сирење со полнозрнест леб, житарици со јогурт, шејк од млеко и банана, кисело млеко или 250 грама урда. Најдобро е да ги менувате, да не биде секој ден исто.
Диетата со пилешка супа има и други предности освен што можете да ослабнете многу за релативно кратко време. Супата содржи многу малку калории но затоа многу зеленчук кој содржи многу важни материи за нашето добро здравје. Со консумацијата на супа ќе се чувствувате сити, без да примате премногу калории.