Депресивната реакција при разделба со саканиот човек е природна и вообичаена појава. Оваа привремена состојба не треба да се свати како депресивно растројство, кое подразбира терапија и дури хоспитализирање во психијатриски центар. Со оглед на негативниот ефект на антидепресивите врз машката потенција и ерекција, во ваква ситуација, кога станува збор за поблага симптоматска слика на привремена депресија, предизвикана од една конкретна животна ситуација (разделба на пример), тогаш многу поадекватна би била психотерапија, што подразбира лечење со разговор, а исклучува употреба на антидепресивите. Но за жал многу од повозрасните лекари немаат многу познавање од современата психотерапија и избираат да се доверат на медикаментозна терапија, дури и тогаш кога проблемот може да биде отстранет на многу подобар начин. Современите психотерапеути советуваат лекарството да биде последната варијанта, бидејќи штетата која ја носат тие е исто толку голема, како и последиците што потоа настануваат како нус појави.