Услугата за чување на податоци на „облакот” на Google со големина од 5 гигабајти ќе биде интегрирана со Google Docs и ќе ви овозможи да пристапите до овие фајлови од било кое место и да ги разменувате со колегите.
Google Docs е вграден во Google Drive, што значи дека со останатите ќе можете да работите во реално време на документи, табели и презентации.
Кога ќе ја поделите содржината со некој (без разлика дали станува збор за PDF, слики, видео.. ) можете да додете свој или да одговорите на нечиј коментар а ќе ви стигне и известување кога некој друг ќе испрати коментар.
Drive ќе можете да го инсталирате на својот Mac или PC, а услугата е достапна и преку апликација за Android телефоните и таблет компјутерите. Google планриа во иднина да обезбеди и апликација за iOS.
Сите корисници ќе имаат 5 гигабајти простор бесплатно, а во опција се и дискови од 25 гигабајти за 2,49 долари месечно, 100 гигабајти за 4,99 долари и 1 терабајт за 49,99 месечно.