Ајде дами, да навлеземе во тајните на крвните групи и да се обидеме да го откриеме степенот на сексуален потенцијал на својот партнер. Сите знаеме дека четирите крвни групи кријат во себе многу интересни податоци. А сега да провериме каков е човекот до нас во зависност од неговата крвна група:
Крвна група А
О, тоа се крвожедни ловци. Сакаат најразлични авантури и добро се справуваат во тоа. После тоа, на кратко се насладуваат на победата и повторно се упатуваат по својата следна жртва.
За нив е важно жената да изгледа недостапна, а откако ќе ја приберат како уште еден трофеј, таа треба од време на време да ги потсетува дека може да им избега повторно. Само вака ќе го задржите овој маж до себе!
Крвна група Б
Овие пак се трудољубивите „занаетчии“. Тие долго, внимателно и трпеливо работат на проектот, а дури после тоа ги собираат плодовите од својот макотрпен труд.
Дамите не треба да брзаат да го отфрлат овој бавен, стабилен и понекогаш досаден додворувач, зошто многу брзо ќе сватат, дека среќата е со оние, кои ја вреднуваат сигурноста и посветеноста во врската. Овој маж потрудете се да го добиете, има зошто!
Крвна група АБ
Ако си мислите, дека женските игри на недостапност и некаква дистанца ќе ви помогнат да го заплеткате овој господин во своите мрежи, се лажете.
Ваквите игри на недостапност и дистанца ќе се допаднат на ловците од А групата, но на овие нестрпливи мажи ќе им се види сето тоа одбивно.
Тој ќе се откаже толку брзо од вас, колку што брзо сте го привлекле, ако не му ја покажете својата апсолутна наклонетост. Не го терајте многу да чека, едноставно тој ќе замине!
Крвна група 0
Овој мистериозен маж делува како светлото на ноќните пеперутки. Тие се стремат кон неговата страст и слепо горат во неа. И токму поради тоа тој не сака жени што трчаат по него.
Тој ги покорува женските срца многу лесно и спонтано, додека не го погоди и него стрелата на Амор. Ако се вљуби во жена, која долго време е ладна кон неговите квалитети и неговиот шарм, за него почнува престојот во пеколот. Жената што ја сака за него е единствената!