Компанијата Sony вчера објави дека во последниот квартал забележала нето загуба од 3,2 милијарди долари.
Годишниот губиток изнесува околу 5,7 милијарди долари, и тоа фискалната 2011. ја прави најлошата година во историјата на оваа компанија.
Иако последните податоци не се добри, Казуао Хираи, новиот претседател на компанијата, очекува компанијата повторно да стане профитабилна во март 2013 година и тоа благодарејќи на своето работење во областа на паметните телефони и таблет компјутерите.
За тоа да се случи веќе се превземани некои чекори во реорганизацијата на компанијата, а минатиот месец беше најавено укинување на 10.000 работни места.
Ден откако сите податоци се објавени, вредноста на акциите на компанијата падна за 7 проценти и достигна минимална вредност во последните 32 години, пренесува агенцијата Ројтерс.