Electronic Arts вчера најави дека Sim City Social доаѓа на најголемата социјална мрежа, Facebook, до крајот на овој месец.
Мината година на Facebook стигна The Sims, а фактот дека на играчите на Facebook сега ќе им биде достапна и Sim City Social многумина го сфаќаат како експанизја на работењето на компанијата ЕА во социјалната сфера.
На конференцијата во рамките на саемот E3, кажано е дека и оваа франшиза била доста копирана во текот на последниве години, а меѓу имитаторите препознат e Zynga CityVille.
Покрај тоа, најавена е и нов Sim City за компјутер која можеме да ја очекуваме во февруари идната година.
Доколку сте нетрпеливи, фотографиите и новите соопштенија за тоа кога играта стигнува можете да ги следите на facebook.com/simcitysocial.