Процедури за зајакнување на косата со турско кафе

1. Земете 3 мали лажички свежо мелено турско кафе, сварете го во 0,5 литри вода, измешајте и оставете да се олади на шпоретот, откако ќе го исклучите се разбира. Процедете и исплакнете ја косата со течноста, откако ќе ја измиете и после тоа не се плакне. Се остава косата да се исуши по природен пат. Процедурата ќе ја зајакне косата и ќе и даде сјај.
2. Една мала лажичка кафе се попарува со 2 лажици врела вода. Измешајте и оставете да отстои 5 минути. После тоа додадете две жолчки, ½ лажица ленено масло или маслиново и 2 лажици коњак. Измешајте добро. Нанесете ја маската врз влажна коса, завиткајте ја главата со најлон и оставете да делува 30 минути. Маската го зајакнува влакното, ја прави косата отпорна, здрава, со многу повеќе сјај и го активира растежот. Може да се прави 2 пати месечно.