Некогаш силната компанија одлучи да се врати на старата слава со новиот смартфон за кој сметаат дека би можел да стане “убиец “ на iPhone5.
Творецот на популарниот BlackBerry, Research-in-Motion, последниве години изгуби голем дел од пазарот на смартфони поради иновациите на Apple и Samsung. Но, се чини дека RIM не се откажува до трката и на пазарот се појавува со нов BlackBerry 10 со кој планираат да се вратат на старата слава.
Новиот Blackberry ќе биде претставен на 30-ти јануари, а наводно е направен така што ги задоволува потребите на голем број различни корисници. Помеѓу останатото, RIM со новата софтверска платформа цели на гејмер публиката.
Фотографијата на новиот BlackBerry во јавноста ја објавила веб страната Tinhte.vn. Тие тврдат дека навистина се работи за нов адут на RIM. Како што наведуваат, едиснтвена мана на новиот BB е недостатокот на апликации кои на корисникот ќе му го олеснат секојдневниот живот, а кои iPhone ги има во изобилие.