Финален резултат, Лејкерс против Вориорс, 117 – 89
Ноќ за памтење за центарот на Лејкерс, Пау Гасол. Тој во натпреварот против Голден Стејт Вориорс во игра помина 30 минути и постигна 28 поени. Гасол од поле имаше 10 обиди и толку пати го погоди кошот, а од линијата за слободни фрлања од 8 обиди, 8 пати беше прецизен. Гасол е шестиот играч на Лејкерс кој му тргнало од 10 обиди од поле да погоди 10 пати, последен пат тоа му успеало на Бајрон Скот во далечната 1986 година. Гасол исто така имаше девет скокови, пет асистенции и четири блокади.
Лејкерси имаат скор од четири победи по ред.
Во Вторник вечер играат дома против Чикаго Булс.