Јас навистина од се срце Ви се извинувам за видот на оваа статија или обраќање (како сакате),

но верувајте не можам да издржам а да не го направам истото.

За што се работи: Во Петокот вечерта, кај Миленко во емисија се 

изнаслушав толку многу ,,економски,, глупости, што искрено ми е

жал, што се мора Мајка Македонија, да истрпи а да не експлодира.

Гости во емисија: Зиков (умислен Економист со штур ама премногу оскуден економски капацитет), Пандов (економски неписмен подлизурко) и Кире Наумов (актуелен претседател на Економскиот Совет на СДСМ- ееее  замислете).

Ако земам да ги коментирам- Ви отиде денот и Вас и мене.

За да не Ве мачам и Вас а богами и себе, ќе Ве замолам само да му ја форвардирате на господинот ,,економски,, Наумов, дефиницијата за девизни резерви, симната од Википедија. Брука невидена!!! Алоооо.. абе нема појма што се девизни резерви а ќе ни ја оправа економски државата… Да умрам- да не слушам и гледам вакви празноглавија!

И да заклучам: Браќа мои ,,економски,, експерти! И кај Таки Фити да се појавевте на испит со сите можни ,,вези и подвезици,, шанса немаше да добиете ништо друго освен една најголема НУЛА! Срам да Ви е на годините што ги имате, а штета голема што во вечерните саати, немаа можност и деца помали од 14 години да ја гледаат оваа комедија и да се смеат на Вашите небулози и изнакажани и со жолто подвлечени глупости!

п.с Миленко,

Доколку ти се случи уште една ваква глупост и да дрзнеш да ми одземеш 2 часа и кусур од моето драгоцено време, ќе те тужам во Хаг:)! Те молам вакви неписмени аналфабети, никогаш повеќе да не повикаш за гости во твојата (сеуште) интересна емисија.

Со почит,

Јас

Од Википедија, слободната енциклопедија

Девизни резерви (англиски: Foreign exchange reserves, Official reserves) ја сочинуваат странската актива која се наоѓа под контрола на монетарната власт и се наоѓа на располагање за финансирање на нерамнотежата во платниот биланс, како и за интервенција за девизниот пазар (влијание на девизниот курс) и за останати потреби.

Девизните резерви на државата во поширока смисла се состојат од девизни резерви на централната банка и девизните резерви на банките. Тие, меѓу останатото, служат за обезбедување на меѓународна ликвидност на земјата, остварување на задачите на монетарната политика и за полесен пристап на меѓународниот пазар на капитал.

Девизните резерви на централната банка можат да сочинуваат:

·         побарувања на Народната банка на државата на странски сметки,

·         ефективни странски пари

·         хартии од вредност

·         социјални права на влечење и резервна позиција кај Меѓународниот монетарен фонд

·         злато и други благородни метали.

Со девизните резерви управува одборот на Централна банка.

ди енд!