Ако секојдневно јадете по неколку ореви тоа не може да ја загрози вашата витка линија, но значително ќе го намали нивото на холестерол и штити од кардиоваскуларни болести. Фолната киселина го спречува таложењето на масти.
Оревот содржи протеини, јаглехидрати, незаситени масни киселини и богат е со минерали, пред се со селен, бакар, цинк, магнезиум, калиум, фосфор, калциум, железо, манган, хлор, витамини А, Ц, Е и Б.
Фолната киселина го спречува таложењето на масти во организмот, додека есенцијалните масни киселини ги прават еластични крвните садови. Минералот селен е моќен антиоксиданс, го зајакнува имунитетот и допринесува за подобро расположение.
Оревот содржи и мелатонин, супстанција која го опушта организмот. Старите цивилизации го сметале оревот за силен афродизијак, а и денес се препорачува како лек за плодност и потенција.