На Гарт Калахан од Вирџинија му бил дијагностициран рак на бубрезите и простатата. Лекарите биле искрени и му соопштиле дека болеста не се лечи и дека му остануваат уште неколку години живот.
Знаејќи дека нема уште долго да биде заедно со својата ќерка, одлучил за неа да направи нешто по што ќе го памети и што ќе и помогне да ги надмине тешките мигови после неговата смрт.
Денес се поминати 700 денови откако му била дијагностицирана тешката болест, а таткото секојдневно на салфетка и пишувал на Ема по една мудра мисла за да и помогне и да ја усмери на вистинскиот пат, иако тој повеќе нема да биде со неа.
Според неговите пресметки треба да напише вкупно 826 салфетки кои ќе и бидат доволни додека Ема го заврши средното училиште. Неговата последна желба е да биде жив се додека не ја заврши мисијата или уште 126 дена.
За да ја подигне свеста и кај останатите родители и да им покаже колку е важно да се учествува во процесот на воспитување на детето и да создадат мала семејна традиција, без разлика каква, направил Фејсбук страница каде ги споделувал секојдневно мислите кои и ги пишувал на Ема.
Погледнете како сето тоа изгледало:
httpv://www.youtube.com/watch?v=FfcAa1BBhQw