Пустинска лисица! Новата Лада Нива е пуштена во етер непосредно пред Саемот на автомобили во Москва. Сеуште се води како концепт, но јасно е дека серискиот теренец нема да биде многу поразличен.
За сега носи знак на Шевролет, меѓутоа во Русија ќе остане како Лада. Станува збор за заеднички продукт помеѓу американскиот Џенерал Моторс и руската Автоваза.
Под хаубата е сместен атмосферски бензинец од 1,8 литри, кој развива 135 коњски сили. За сега нема дизел, пред се бидејќи Русите се “бањаат“ во бензин. Во продажба ќе се појави кон крајот на 2015 година.
