Најскапата куќа во САД се наоѓа во Хилсборо Бич, Флорида и се продава за 139 милиони долари, пишува Mirror. Станува збор за луксузна куќа дизајнирана со интересни и скапи детали.
Влезната врата на имотот е прекриена со 22-каратно злато, а палатата е наречена Le Palais Royal (Кралска палата). Подовите се направени од мермер, а целата куќа наликува на познатиот Версајски дворец.
Во куќата има 11 спални соби, 17 бањи, приватно пристаниште за јахта и подземна гаража за повеќе од 30 автомобили. Покрај тоа, има и огромен базен, водопад, тобоган и бар покрај базенот.
Целосната градба ќе биде комплетирана пред крајот на 2015 година, а Кралската палата е најскапата недвижност на пазарот во Америка, дизајнирана за некои од најбогатите луѓе во светот, пишува Mirror.
