Одговорот за iPhone 6 Самсунг го нуди преку нивниот најнов модел Галакси Алфа кој беше најавен во Август а во продажба ќе излезе на крајот на месецов.
Галакси Алфа има 4.7 инчен HD дисплеј, исто како и iPhone 6. Екранот е помал за разлика од Галакси С5 кој има 5.1 инчен дисплеј и iPhone 6 Plus кој е со големина од 5.5 инчи. Работи на KitKat оперативниот систем, последен од фамилијата Андроид.
Исто како и кај Галакси С5, уредот овозможува комбинација на Wi-Fi и LTE конекциите за побрз трансфер на податоци. Исто така нуди одличен мод за зачувување на енергија кој ги исклучува споредните апликации и го менува екранот во црно-бел. Уредот доаѓа и со сензор за отисок вграден во главното копче на телефонот.
Алфа има 32GB меморија и 2.5GHz четиријадрен процесор, плус 12 мегапикселна задна камера.
Ќе се произведува во три варијанти: бела, црна и златна.
https://www.youtube.com/watch?v=u8OZoyHvX78