Со секоја нова верзија на Android, поминуваме низ макотрпен процес и се нервираме со производителите на нашите уреди, кои ги чекаме со месеци да ја донесат верзијата на нашиот телефон. Погледнете кога (и дали) вашиот телефон ќе добие Android 5.0…
Samsung
Samsung Galaxy S5 – Дел од државите веќе имаат добиено Android 5.0, вклучувајќи ги и европските земји.
Samsung Galaxy Note 4 – Според шпекулациите, Samsung ќе го прескокне Android 5.0 И директно ќе го апдејтира Note 4 на Android 5.0.1.
Samsung Galaxy S4 – Samsung потврди дека S4 ќе добие Lollipop, но сеуште не знаеме кога точно ќе се случи тоа.
Samsung Galaxy Note 3 – Неофицијално (со ROM-ови) веќе можете да го апдејтирате Note 3. Официјално, веројатно ќе почекате уште 2 до 3 месеци.
Дополнително, следните уреди ќе добијат Android 5.0: Galaxy Note Edge, Galaxy Alpha, Galaxy S5 Active, Galaxy S5 Mini и Galaxy Note 2.
LG
LG G2 – Добрата вест е што минатогодишниот модел ќе добие Android 5.0 и тоа веројатно уште во февруари, иако ова е непотврдено од страна на LG.
LG G Pro 2 – Вториот уред кој ќе добие Android 5.0, но сеуште не се знае временската рамка.
Останатите модели на LG веројатно нема да добијат официјален апдејт.
HTC
HTC One (M8) – Верзијата 5.0 на M8 требаше да пристигне на 3-ти јануари, но ова не се оствари. Шпекулациите се дека апдејтот ќе го добиеме идната недела.
HTC One (M7) – Минатогодишниот модел е планиран за апдејт, иако веројатно тоа ќе се случи за 2 до 3 месеци.
Останатите модели кои ќе добијат Android 5.0 се: HTC One (E8), One Mini 2, One Max и One Mini.
Sony
Sony Xperia Z3 – Добрата вест е што Xperia Z3 ќе добие апдејт кон крајот на овој месец!
Sony Xperia Z2 – Android 5.0 кај овој модел би требало да пристигне во февруари, веднаш по официјалниот апдејт за Xperia Z3.
Sony Xperia Z1 – Иако се работи на апдејт, поновите модели имаат приоритет. Очекувајте апдејт во текот на март или април.
Меѓу останатите телефони и таблети кои ќе добијат апдејт се: Xperia Z, Xperia ZL, Xperia ZR, Xperia Tablet Z, Xperia Z1S, Xperia Z Ultra, Xperia Z1 Compact, Xperia Z2 Tablet, Xperia Z3v, Xperia Z3 Compact и Xperia Z3 Tablet Compact.