Во водите на реката Гријалба во Мексико се појави црква изградена пред 4 века. Потонатата црква сега им служи на рибарите кои пренесуваат љубопитни туристи за да ги видат остатоците од урнатините.
За време на суша во регионот на мексиканската држава Чиапас, поради паднатото ниво на водата од 25 метри во реката Гријалба може да се види црква изградена во 16 век.
.gif)
Досега црквата, висока 16 метри, два пати се појавила од водата. Била изградена на тоа место од шпанските освојувачи, кои мислеле дека ќе прерасне во населено место. Црквата се наоѓа во потопениот град Куечула. За последен пат можела да се види во 2002 година, кога посетителите влегле во неа.