Bugatti Automobiles S.A.S е француска автомобилска марка основана во Молшеим, Франција (Германија во тоа време) како производител на автомобили со високи перформанси создадени од италијанецот Ettore Bugatti.
Компанијата Bugatti е позната по производството на едни од најексклузивните автомобили во светот, исто така и најбрзите. Bugatti со доаѓањето на Втората светска војна бил во криза, како и многу други познати автомобилски компании во тоа време. Смртта на синот на Ettore, Jean исто така бил фактор за кризата во компанијата. Последниот модел во тоа време бил изработен во 1950 година, каде во 60-тире години се повеќе Bugatti бил сконцентриран кон производство на авионски делови . Денес името е во сопственост на групацијата Volkswagen, кој го оживеа како производител на ограничен број на ексклузивни спортски автомобили.
Основач Ettore Bugatti е роден во Милано, Италија. Автомобилската компанија која го носи неговото име е основана во 1909 година во градот Молшеим. Компанијата е позната во нивото на деталност на инженерингот во автомобилите, како и за уметничкиот начин на кој ги дизајнираат моделите. Се е тоа поради уметничката природа на семејството Ettore. Неговиот татко Carlo Bugatti (1856-1940), бил познат дизајнер на накит. Компанијата, исто така, имала голем успех во почетокот на Гран При трките со мотори, победувајќи на тркита во Монако ГП. Успехот на компанијата кулминирал со доаѓање на возачот Jean-Pierre Wimille и освојувањето на “24 часа Ле Ман”.
Само мал број од моделите на Ettore Bugatti се произведени, едни од најпознатите се Type 35 Grand Prix , ” Royale “, Type 57 “Atlantic ” и Type 55 спортски автомобил.
На 2 јануари 2009 година, бил пронајден редок модел од 1937 година Bugatti Type 57S Atalante, тој бил пронајден во гаража на починат хирург во Англија. Само 17 модели биле произведени и сите биле рачно.
На 10 јули 2009 година, од дното на езерото Maggiore било извадено Bugatti Brescia Type 22 кој на дното седело цели 75 години . Подоцна било купено на аукција за 351.343 долари од страна на Bonham’s Retromobile во Париз во 2010 година.
Се наведува дека се произведени приближно 7900 автомобили (од кои околу 2.000 се уште постојат), секој модел на Bugatti бил назначен со префиксот T за тип.
