Насилно соборениот од власт египетски претседател, Хосни Мубарак, украл 185 милијарди долари, пари кои биле меѓународна помош за неговата земја, објави руската новинска агенција Итар-Тасс, пренесува Нетпрес.
Ова било обелоденето на Економскиот научен центар, кој денеска се одржува во Каиро.
Според Салах Гауда, директор на центарот, истражните дејствија покажале дека Мубарак украл дури 87 отсто од странската помош за Египет. Гауда додал дека 1982 па се’ до 2010 година, 185 од вкупно 213 милијарди долари, никогаш не стигнале до крајната цел.
Голем дел од таа помош била поделена како хонорари на египетски и на странски консултанти, како и за реновирање на министерски кабинети. Голем број земји ги повлекле парите што ги дале, откако дознале дека тие воопшто не се користат за она за што се наменети. Така на пример Канада повлекла 50 милиони долари, кои биле наменети за проекти за дезинфекција на канализациониот систем, открил директорот Гауда.
Извор: Нетпрес