Жителка на Минесота е осудена на шест месеци затвор бидејќи му задала смртоносни повреди на својот долгогодишен дечко со пиштол, додека се обидувале да снимат видео за Јутјуб, пишува Гардијан.
Моналиса Перез (20) се изјаснила виновна за смртта на својот 22-годишен дечко Педро Руиз, со кој била во врска пет години.
Парот се обидувал да сними смешно видео за Јутјуб, а Руиз побарал од девојката да пука во него од 30 см далечина додека во рацете држел енциклопедија за која бил сигурен дека ќе го заштити од куршуми.
Тригодишната ќерка присуствувала на кобниот настан.
Парот и претходно снимал видеа за Јутјуб во кои заедно учествувале во разни лудории.