Исхраната има големо влијание на вас, но и на вашето веве.
Да се храните правилно за време на бременоста е еден од императивите кога станува збор за здравјето на бремената жена и фетусот. На телото на жената му е потребна поголема количина на хранливи материи, витамини и минерали за време на бременоста и многу е важно која храна треба да се консумира за да се постигне таа рамнотежа, што треба да се избегнува или воопшто да не се зема.
Експертите велат дека на организмот му требаат дополнителни 350 до 400 калории на ден за време на бременоста и дека прекумерното јадење е непотребно, дури и контрапродуктивно, затоа што може да доведе до голем број на проблеми како што се дијабетес или прекумерна тежина.
Правилниот избор за исхрана во текот на девет месеци е од витално значење и за развој на бебето и за здравјето на бремената жена за време на бременоста, како и во периодот по породувањето. Затоа, експертите советуваат која храна е добра и која не треба да се консумира за време на бременоста.
Риба
Рибата е важен извор на витамин Д и омега 3 масни киселини, неопходни за одржување на голем број важни процеси во организмот. Витаминот Д е неопходен дел од имунолошкиот систем и значително влијае на структурата на коските и скелетот. Рибите што содржат најголема концентрација на овие состојки се лососот и туната, но на бремените жени им се советува да го намалат внесот на риба два пати неделно, затоа што морските риби може да содржат тешки метали како што е жива како резултат на глобалното загадување.
Зелен зеленчук
Спанаќ, брокула, зелена салата, блитва, пркељ се извор на многу витамини и минерали, како што се витамини Ц, А и К, калциум и железо. Зелениот зеленчук е исто така богат со фолна киселина, која игра клучна улога во спречувањето на проблеми при раѓање. Покрај зелениот зеленчук, со фолна киселина богати се и аспарагус, грав, леќа, ореви и портокали.
Храна богата со бета-каротин
Бета-каротин е природен извор на витамин А и многу силен антиоксиданс, кој го поддржува имунолошкиот систем и ги штити клетките од оштетување, што е многу важно за време на бременоста. Храната богата со бета-каротин е морков, тикви, домати, дињи, кајсии и сладок компир. Жолто-портокаловата боја на овошјето и зеленчукот доаѓа од бета-каротин, така што колку бојата е поизразена, присутноста на оваа состојка е поголема.
Шумско овошје
Ова овошје, вклучува јагоди, капини, малини, боровинки, брусница и рибизли, кои се богати со здрави јаглени хидрати, витамин Ц, што е важно во апсорпцијата на железо во организмот, кое има тенденција да опаѓа за време на бременоста, и влакна кои се важни за правилно работење и варење на дигестивниот систем. Исто така, ова овошје содржи добри шеќери и нема да влијае на нивото на шеќер во крвта за време на бременоста и ќе му обезбеди на организмот неопходна одбрана од инфекции, како и енергија.
Јајца
Јајцата се неопходен дел од исхраната кај луѓето, вклучително и бремените жени. Тие содржат мали количини на скоро сите хранливи материи потребни за правилно функционирање на организмот. Тие се важен извор на протеини, кои се одговорни за виталноста и јачината на мускулите и се богати со витамини и минерали.
Масти
Внесувањето маснотии кај бремени жени треба да биде околу 30 проценти од вкупниот внес на исхрана. Сепак, не сите масти се добри, па затоа американска научна студија потврди дека високиот внес на маснотии може да предизвика инсулин и дијабетес кај фетусот. Од друга страна, добрите масти како што се мононезаситените и омега 3 масните киселини се добри и неопходни за исхраната на бремените жени. Храна богата со овие масти е маслиново масло, ореви, семки, масло од сусам и авокадо.
Непастеризирани млечни производи
Сирењата како што се фета, козјо сирење, бри, горгонзола се создаваат од непастеризирано млеко и затоа можат да содржат бактериска листерија, која инаку се уништува со пастеризација. Оваа бактерија е многу опасна затоа што може да доведе до спонтан абортус или предвремено раѓање. Ова секако не значи дека сирењата се забранети во бременоста, туку дека треба да се направат со пастеризирано млеко.
Живо месо
Нетретираното месо може да содржи одредени бактерии кои можат да доведат до здравствени ефекти и треба да го избегнуваат консумирањето на сурово месо во оброците, како што е бифтекот за време на бременоста. Исто така, не е препорачливо да јадете месни производи како што се колбаси и паштети бидејќи содржат високи нивоа на адитиви и конзерванси, како и вештачки бои и вкусови, кои се многу штетни.
Суши
Суши е оброк што се прави од термички нетретирани морски плодови и може да содржи многу бактерии или паразити. Во случај на инфекција со жива риба, третманот во бременоста може да биде многу комплициран и со последици.
Концентриран шеќер
Концентрираниот шеќер е инаку многу штетен, а зголемениот внес на храна со концентриран шеќер како што се чоколадо, разни бисквити, сладоледи, бонбони може да го зголемат ризикот од дијабетес за време на бременоста, а истите не се добри за здравјето. Препорачливо е да ги земате потребните шеќери од природни извори како што се свежо овошје и зеленчук, но тоа не мора да значи дека од време на време не треба да јадете и чоколадо, но само доколку сте умерени.
.